Արաբական իմաստություններ, որոնցում պարունակվում են հազարամյա գիտելիքներ և բարոյականության ոսկե օրենքներ։Հաճախ պետք է կարդալ այս մտքերը, որոնք կյանքը կարող են դարձնել ավելի դյուրին և ապագան ճիշտ կերտելու ունակությամբ կզինվեք:
- Երբ դու խոսում ես՝ քո բառերը պետք է ավելի լավը լինեն, քան լռությունը։
- Առյուծի կողմից ղեկավարվող ոչխարների բանակը կհաղթի առյուծների բանակին, որը ղեկավարում են ոչխարները։
- Հերքել սխալները՝ կրկնակի սխալ է։
- Խելացին կհասկանա, եթե աչքով տաս, հիմարը՝ եթե հրես։
- Խելացի կինը շաքար է ավելացնում այն ամենում, ինչ ասում է տղամարդուն, և հեռացնում է աղը այն ամենից, ինչ իրեն ասում է տղամարդը։
- Մեկ ձեռքբերված փորձը շատ ավելի կարևոր է յոթ իմաստության օրենքներից։
- Քնքուշ խոսքերով և բարությամբ կարելի է փղին տանել մազի վրայով։
- Քամիները փչում են ոչ այնպես, ինչպես ցանկանում են նավերը։
- Եթե դարձել ես զնդան՝ դիմացիր, եթե դարձել ես մուրճ՝ հարվածիր։
- Ով անթերի ընկեր է փնտրում՝ նա կմնա միայնակ։
- Անընդհատ արևային օրերը անապատներ են ծնում։Եթե չարը կանգնել է կողքիդ՝ նստիր և մի շարժվիր։
- Անհնար է առանց շարժման հասկանալ ժամանակը։
- Եթե քո հոգում մնացել է թեկուզ մեկ ծաղկող շիվ, նրա վրա միշտ էլ կնստի երգեցիկ թռչուն։
- Հաղթահարելով հպարտությունը՝ մարդը դառնում է հաճելի։ Հաղթահարելով բարկությունը՝ դառնում է ուրախ։ Հաղթահարելով կիրքը՝ նա դառնում է հաջողակ։ Հաղթահարելով ագահությունը՝ մարդը դառնում է երջանիկ։
- Լավագույն տիրակալը նա է, ով կարողանում է կառավարել ինքն իրեն։
- Եթե վախենում ես՝ մի ասա, եթե ասել ես՝ մի վախեցիր։
- Հաղթանակը ցույց է տալիս թե ինչ կարող է մարդը, իսկ պարտությունը՝ թե որքան նա արժի։
- Մի բացիր դուռը, որը փակելը ուժերիցդ վեր է։
- Տղամարդիկ, ովքեր չեն ներում կանացի փոքրիկ թերությունները՝ երբեք չեն հագենա նրանց մեծագույն առավելություններով։
